პ რ ე ს რ ე ლ ი ზ ი

"E-INFO.GE" და ”თიბისი ბანკი” ახალ პროექტს იწყებენ

[PUBLICITY.GE] თბილისი, 11 ოქტომბერი, 2007 - თიბისი ბანკმა და ელექტრონულმა საინფორმაციო სამსახურმა (www.e-info.ge) ერთობლივი პროექტის განხორციელება წამოიწყეს.

ერთობლივი პროექტის მიზანს წარმოადგენს საქმიანი ადამიანებისათვის ახალი ტიპის სერვისის შეთავაზება, რომელიც საშუალებას მისცემს მათ, საქმიან და დაკავებულ ადამიანებს -  რომელთათვისაც ძვირფასია დრო, ერთ ინტერნეტ საიტზე მიიღონ: ა) ინფორმაცია "თიბისი ბანკის" ახალი საბანკო პროდუქტების და სპეციალური შეთავაზებების შესახებ; ბ) მუდმივად განახლებადი ინფორმაცია, დაკავშირებული მათ ბიზნეს და საყოფაცხოვრებო საქმიანობასთან.

საინფორმაციო პორტალი www.e-info.ge საშუალებას გაძლევთ მოიპოვოთ თქვენთვის საჭირო და სასარგებლო ინფორმაცია მრავალ თემატიკაზე, მათ შორის:

• სიახლეები საბანკო და დაზღვევის სფეროში;
• ამომწურავი ინფორმაცია საქართველოში არსებული სამშენებლო კომპანიების, მშენებარე სახლების, ბიზნეს-ცენტრებისა და საოფისე ფართების შესახებ;
• ავტომობილის ახალი მოდელები საქართველოს ბაზარზე;
• მიმდინარე სასწავლო კურსები და online ტრეინინგები;
• შემეცნება, კულტურა, გართობა;
• მსოფლიოს ცნობარი;
• თემატური ინფორმაცია ქალბატონებისა და ბავშვებისათვის;
• მრავალი სხვა.

www.e-info.ge  -ზე წარმოდგენილი მონაცემები საშუალებას აძლევს მომხმარებელს განახორციელოს პროდუქციის ან მომსახურების პირველადი ანალიზი და შეფასება.

###